Public Eyes

My Journey In Their Eyes


جوزيف ترتريان لناس نيوز: "ذا فويس" هو البرنامج الغنائي الأفضل

ناس نيوز - مازن حسون

جوزيف ترتريان: مغني أوبرالي سوري من أصل أرمني .
من مواليد 18 - 7 -1987 .
بدأ دراسته الموسيقية في معهد صلحي الوادي بدمشق ،حيث تعلم العزف على آلة الكمان .
يدرس حالياً في المعهد العالي للموسيقا بدمشق في السنة الخامسة ،وهو خريج المعهد العالي لإدارة الاعمال .
شارك في العديد من الأعمال الموسيقية منها أوبرا زنوبيا ،وقام بالغناء المنفرد مع كورال المعهد العالي للموسيقا وكورال الحجرة ،حيث غنى اعمال للمؤلفين فوريه و موزارت ودفورجاك بالاضافة الى قداس المؤلف آرييل ريميراز باللغة الإسبانيّة ،كما شارك مع كورال جوقة الفرح بعدة حفلات منها فيروزيات والمسرحية الموسيقية التي قدمت بمناسبة عيد الميلاد.
عضو في عدة فرق موسيقية منها فرقة الموسيقا اللاتينية تشيلي باند وفرقة الروك انس اند فرندز.
يتقن التحدث باللغات: العربية والانجليزية والأرمنية و القليل من الفرنسية والايطالية .
وكان الحوار معه على النحو التالي:

*لنتحدث بداية عن الأعمال الجديدة القادمة؟ وما هي مشاريعك الحالية والمستقبلية؟
مشاريعي المستقبلية، عم بلش شغل على غنية جديدة كتبها صديقي الشاعر علي وطفة .. و عندي عدة حفلات بدار الاوبرا بدمشق.

*ما سر نجاح "جوزيف ترتريان"؟
سر نجاحي هو محبة العالم الي، يمكن ما كون المغني الخارق يلي دايما بيستعرض صوتو بس محبة الناس هي أساس نجاحي.

*متى شعرت بميلك الى الموسيقى وكيف تعلمتها؟ ومن الذي اكتشف هذا الكنز المخبأ في حنجرتك؟
انا من انا و صغير بحب الموسيقى، من بطن امي .. اكتشفتني الست ميادة الحناوي وقت كان عمري ٤-٥ سنين.

*هل تعزف على آلة موسيقية أم تغني فقط؟
بعزف على آلة الكمان من انا و عمري ٦ سنين.
*هل هناك بلد لم تحي فيه بعد حفلة غنائية وترغب بالقيام بذلك لديه؟
اكيد في كتير بلدان لسا ما أحييت حفلات فيها ... و اكيد متمني ابرم الدنيا بالموسيقى ... متمني اعمل حفلات باميركا، لبنان، فرنسا، دبي ... هدول البلدان يلي كتير بتمنى اعمل حفلات فيهن.

*ما هو البرنامج الغنائي الذي تعتقد أنه الأنجح حالياً في الوطن العربي؟ وهل ترغب في أن تكون يوماً ما عضواً في لجنة تحكيم أحد البرامج الغنائية؟
بصراحة ما كتير بحضر .. بس بتخيل ذا فويس هو احسن برنامج لهلأ لانو اول شي ما بهزء بالمواهب و عم يطلع أصوات كتير حلوة ..
بحب كون عضو في برنامج ذا فويس .. اول شي جاي عبالي جرب الكرسي يلي بدور و تاني شي مشان ما كون مضطر عم اتضحك عالناس مشان مشي سياسة البرنامج.

*هل يجلس "جوزيف ترتريان" مع نفسه ويراجع ما أنجزه؟ وهل تنتقد نفسك مثلاً وأنت تراجع وتشاهد ما قدمته من أعمال؟
اكيد اذا ما انتقدت نفسي ما بتحسن، بس ما بقسى عحالي بالنقد لانو اذا هلأ غلطت و انتبهت اكيد رح صلح غلطي بالحفلة الجاية او بالعمل الجاي مشان هيك بنتقد بس ما بكسر بحالي ... بالنسبة للإنجازات لسا قدامي الطريق طويل و حابب أنجز كتير و كل إنجاز عاملو لهلأ هو دفع إيجابي الي.

*كمغني ماذا تشعر أنك قد أنجزت حتى الآن في الغناء الأوبرالي؟
الغناء الأوبرالي هو بحر قد ما اشتغلنا فيه بكون قليل .. بتخيل كل مغني شغيل وطموح عم يضيف حتى لو شي صغير عالموسيقى.

*أي من المغنين تتطلع اليهم؟ وما النصيحة التي تود تقديمها إلى المغنين القادمين؟
بتطلع لهبة طوجي، بحب ستايل الموسيقى و العروض يلي بتقدمهن لانو بعتبر الغناء عالمسرح لازم يتضمن كل الفنون من تمثيل و حركة و موسيقى ..
بنصح كل مغني جديد يستمتع بالشي يلي عم يعملو و يلي عم يغني لانو إحساسنا مشان نغني نوطة صح مننسى انو لازم ننبسط بالموسيقى.

*ما نوع الموسيقا التي تفضلها؟ ومن هم المغنين الذين تفضل السماع اليهم؟
بحب كتير انواع موسيقى، النوع يلي بحب غنيه هو البوب ،اوبرا، جاز والمسرح الغنائي ..
بحب مايكل بوبليه، بافاروتي، ايلا فيتزجيرالد، هبة طوجي، فيروز، جوليا بطرس بيونسيه، سيلين ديون، ويتني هيوستن، بريتني سبيرز، مايك ماسي.

*ماذا كان دور أسرتك في مسيرتك الفنية؟ وما أصعب مرحلة مررت فيها خلال هذه المسيرة؟ وكيف تمكنت من التغلب عليها؟
اهلي كانو دايما داعميني بمسيرتي الفنية .. اصعب فترة عم مر فيها هي هلأ بصراحة لانو مافي دعم منتج الي و في أفكار كتير براسي حابب قدمها بس ما عم لاقي الدعم الكافي ... ما بعرف كيف رح اتخطاها بس بقول الله كريم.

*في مجال التقديم التلفزيوني هل ترغب في تقديم برامج منوعة؟ وكيف تنظر لتجربة المغني المذيع في القنوات التلفزيونية؟
ما كتير بحب خوض هي التجربة الا اذا كانت رح تضيف شي لمسيرتي كفنان وكمغني .. اكيد بشجع اي فنان حابب يخوض هيك تجربة اذا هو مقتنع.

*هل أنت من متابعي الدراما السورية؟ وهل ترغب بالتمثيل بأحد المسلسلات لو عرض عليك؟
بصراحة ما كتير بلحق تابع مسلسلات لانو كل النهار برات البيت .. اكيد من احد أحلامي اني مثل و انشالله يتحقق.

*هل عرض عليك القيام باعلانات؟
تمثيل اعلان لا، بس انا مغني اعلان إندومي و ساعات ماريو.

*هل تحقق حلم ومشروع "جوزيف ترتريان" الكبير الذي طمح لتحقيقه أم هناك مشاريع أخرى؟
انا ببداية طريق تحقيق الأحلام ... الشغل بالموسيقى مانو شي كتير سهل .. برجع بقول كل شي من الله خير.

*ما هي هواياتك؟
بحب الرياضة كتير، الرقص، قراءة الكتب، و التأمل.

*من هم أصدقاؤك المقربين من الفنانين والاعلاميين؟
من الاعلاميين اريج زيات ،باسل محرز، ميشلين سلوم ،رنا كويتر، محمد مطاوع.
من الفنانين: زينة افتيموس، نور عرقسوسي، رضوان قطيش، ليندا بيطار.

*ما هو برنامجك التلفزيوني المفضل؟ وما الاعلاميون المفضلون لديك؟
بحب بعدنا مع رابعة، سما كافيه، لو شبابي شو، بيت القصيد، ذا اوبرا وينفري شو.
الاعلاميين المفضلين عندي: اوبرا وينفري، جورج قرداحي، زاهي وهبة، رابعة ريا و ريان سيكريست.

*ما هو برجك؟ وهل تؤمن في الأبراج؟ وهل تحب سماع أخبار برجك بشكل يومي؟
برجي السرطان .. ما بتابع الأبراج .. وما بآمن فيها.

*هل تابعت كأس العالم 2014 ؟ من شجعت؟
ما تابعت، بس بالعادة بشجع البرازيل.

*كيف هو وضعك العائلي؟
وضعي العائلي اعزب .. بس جاهز للشخص المناسب.

*هل تجيد الطبخ؟ وما هي أكلتك المفضلة؟
بعرف اطبخ منيح، و بقلولي طبخي طيب .. اكلتي المفضلة السوشي.

*هل تفكر في العيش خارج سوريا على غرار بعض الفنانين السوريين؟
بحب ضل هون بالشام .. سافر كل فترة شهرين لبرة اشتغل وارجع .. يكون دايما استقراري بسوريا.

ناس نيوز
تاريخ النشر : 2014-12-14 01:01:06

Read The Articles...